وانت رايح تخطب تعمل ايه بالظبط ؟ تلبس ايه ؟ تتكلم إزاى ؟ تاخد ايه ؟
حاجة لازم تعرفها
الانسانة اللي انت رايح تخطبها حاجة من تلاتة.
- انت تعرفها سواء عن طريق الشغل او زملتك في الدراسة اواي وسيلة تانية
- او واحدة مترشحالك وانت تعرف شكلها ( ممكن تكون جرتك او قربتك .....)
- او واحدة مترشحالك وانت ماتعرفش شكلها ( منتقبة )
تعمل اي
هتتصل بوالد االعروسة وهتاخد منه معاد حتي لو محددين معاد انت وهي ان كانت صدقتك ، خلي بالك وانت بتكلمه حدد اللي هيجي معاك من اهلك وقوله اللي هيجي ....
خلاص اخدت معاد وقررت تروح هتجهز ازاي في اليوم دا
- هتبداء بالنظافة الشخصية من ناحية تظبيط الشعر والدقن وامور تحسين المظهر
- من ناحية اللبس اوعي تلبس رسمي يعني بدله وكرفته انت مش رايح تجوز انت رايح تخطب اللبس عادي قميص وبنطلون و بليزر وحاول تخلي لون البطلون فاتح و البليزر غامق او العكس
- اوع تلبس شراب ابيض كدا انت بوظت الدنيا ، خليه كحلي او بني اي لون غير الابيض
- الحاجة اللي هتخدها معاك وانت رايح (شكولاته او تورته )
- وانت بتجيب الشكولاته او التورته ما تجبش حاجة غاليه اووووي ولا رخيصه اووووووووي ليه ؟
لو جبت حاجة مثلا غالية اوووي هيخدوا انطباع عنك ان انت عالي اووي و بعد الجواز يكتشفوا ان انت كنت بتخدعهم دا لوحالتك المادية متوسطة فممكن يسبب ليك بعض المشاكل خليك في الوسط " خير الامور الوسط"
ولو جبت حاجة رخيصة وانت قادر تجيب حاجة اعلي ممكن يخدوا انطباع عنك ان انت بخيل وبكدا ممكن تترفض - لو انت مش قادر تجيب االوسط ، عادي خليك علي حققتك و مش تصطنع
- اوعي تنسي تجيب هديه للعروسة
خلاص جهزت وروحت للعروسه تعمل اي وانت هناك
- وانت داخل العريس بيدخل اخر واحد من باب الشقه واضح
- هتبداء تتعرفوا علي بعض انت هتعرفهم بأهلك تمام
- لو هما عاملين اكل ! طبعا هتروح تقعد علي السُفره ، لو انت من الناس اللي بتكلم كتير علي الاكل حاول تسيطر علي نفسك ، ولو انت من الناس اللي بتشوح وهيا بتكلم سيطر علي نفسك خالص افرض كسرت او طبق طارت منك المعلقه جت في حد او خبط حد شكلك هيكون اي فسيطر علي نفسك خالص علشان علي الاقل ربنا يسترها وتروحوا بسلامة
- لو وقعت علي نفسك اكل !
اتعمل عادي خالص وماتخدش الامور بانفعال اطلب منديل - بعد ما خلصتم الاكل وكل حاجة حلوة
حد من اهلك يبداء بالكلام مع اهل العروسة ليه مش انت ؟ علشان كدا انت بتكبر باهلك ، تاني حاجة انت بترفع الحرج عن نفسك - ابداء انت بقي اتكلم عن نفسك بكل تفاصيلكعن(شغلك عن شقتك عن علاقتك مع علتك واهلك واخواتك عن خطتك في المستقبل لو في اي حاجة هتجد زي سفراو جيش اتكلم فيه ومتأجلش )
حاجات خد بالك منها اوعي تعملها وانت بتكلم
- اوعي تفكر انك تكذب او تقول حاجة مش صح ! علشان هتتفقس و 75% من النساء بيقفشوا الرجالة في الحته دي
- ماتكلمش عن التجارب السابقة سواء حلوة او وحشه اقفل عليها
- ماتسألهاش ن التجارب السابقة سواء حلوة او وحشه
- ماتكلمش عن الناس اللي انت بتكرهم علشان هتاخد عنك انطباع الغل والحقد والكره وممكن ترفضك او تسيبك
- لو خطبيتك بتشتغل ماتسألهاش عن الراتب وحتي بعد الجواز
- ماتكلمش في السياسة
- ماتسألهاش عن رأيها في الهديه
تعليقات
إرسال تعليق